हिन्दूवादी संगठनया बन्दं जनजीवन प्रभावित

हिन्दूवादीं संगठन भिष्म एकता परिषद नेपालं आह्वान याःगु मध्यपश्चिम क्षेत्र बन्दया कारणं थीथी जिल्लाया जनजीव प्रभावित जूगु दु । जेठ १४ गते प्रमुख स्वंगू दलत दथुइ जूगु स्वंगू बुँदे सहमति कार्यान्वयन यायेमाःगु माग यासें आह्वान याःगु बन्दया कारणं मध्यपश्चिमया दाङ, बाँके, बर्दिया, सुर्खेत लगायत झिंन्यागू जिल्लाया जनजीवन प्रभावित जूगु दु ।

निन्हुन्यंकया बन्दया न्हापांगु न्हि सोमवाः उद्योग, कलकारखाना, शैक्षिक संस्था, यातायात लगयात दक्वं ठप्प जूगु दु । अथेहे पूर्व-पश्चिम राजमार्ग अन्तर्गतया दाङ खण्डय् ताःहाकगु दुरुया सवारी साधना नं ठप्प जुयाच्वंगु दु ।