विद्यार्थी हत्यालिपा विराटनगर बन्द

वाइसियलं थः विद्यार्थी कार्यकर्ताया स्याःगु द्वपं ब्यूसें युथफोस्रं बिहिवाः विराटनगरय् प्रदर्शन याःगु दु । प्रदर्शशनया कारणं निन्ह्य निसें बजाः बन्द जूगु दु ।

गोग्राहा उच्च माध्यमिक विद्यालय, पोखरियाय् न्ह्य्गु तगिमय् ब्वनाच्वंम्ह झिंन्ह्यदँया अनुज थापायात बिहिवाः सुथय् स्याःगु खः । युथफोस्रया कार्यकर्तातय्सं थापाया हत्या वाइसिएलं याःगु द्वप ब्यूस्गु दु ।

उखे पर्वतय् मनू स्यायेगु अपराध याःगु धासें एकीकृत माओवादीया कार्यकर्तायात ज्वंगु दु । पर्वतया रुपक भट्टराईयात प्रहरीं बुधवाः बहनी ज्वंगु खः । स्ववियु निर्वाचनया इलय् एमालेया जिल्ला सचिव विकास लम्सालया स्यायेगु ताः तया दाःगुलिं भट्टराईयात ज्वंग खः ।