'राजीनामा वइ मखु'
येँ (सन्ध्या टाइम्स)/नेपाली कांग्रेसया कार्यवाहक सभापति सुशिल कोइरालां तत्काल प्रधानमन्त्री माधव नेपालं राजीनामा बियादी मखु धयादीगु दु ।
थौं सुथय् नेता कोइरालाया निवास महाराजगन्जय् रिपोर्टर्स क्लबं ग्वसाः ग्वःगु साक्षात्कार ज्याझ्वलय् न्ववासें थ्व खँ धयादीगु खः ।
कावा सभापति कोइराला स्वास्थ्य उपचारया निंतिं धकाः कन्हय् अमेरिका वनेत्यंगु दु। वय्कः अमेरिकाय् झिन्हु तक च्वनाः वासः याकादीगु ग्वसाः दु। कांग्रेसया शीर्ष नेता कोइराला झिन्हु तक अमेरिकाय् च्वनीगु जूगुलिं आः झिन्हु तक सरकार परिवर्तन सम्बन्धी छुं नं कथंया राजनीतिक गतिविधि मजुइगु खँ विश्लेषकतय्सं धाःगु दु ।
नेता कोइरालां वय्कलं थःगु पार्टी दुने राज्यशक्ति बाँडफाँटया सवालय् छुं नं कथंया विवाद मदु धकाः नं दावी यानादिल। प्रधानमन्त्री जुइत पार्टी दुने सुं नं ब्वाँय् मजूगु खँ नं वय्कलं कनादिल ।
