'नतिजा मदिकूसा दवाव'
येँ (सन्ध्या टाइम्स)/नेवाः स्वायत्त राज्य मंकाः संघर्ष समितिया नायः विपेन्द्र महर्जनं येँ महानगरपालिकां पिकाःगु कर्मचारी भर्ना नतिजा स्थगन मयात धाःसा दबाव बीगु जुइ धयादिल ।
मंकाः संघर्ष समितिं महानगरपालिकयात वंगु शुक्रवाः ज्ञापनपत्र लःल्हायेधुंकाः थःपिंसं नेवाःतय्त अग्राधिकार माः धकाः खँ तयाः वयागु नापं उकियात वेवास्ता यात धाःसा दबाब बीगु बाहेक मेगु विकल्प दइ मखु धकाः 'सन्ध्या टाइम्स'यात धयादीगु दु ।
