प्यम्ह भाषासेवीपिनि मंकाः बुन्हि
येँ (सन्ध्या टाइम्स)/नेवाः महागुथि नेपाःपाखें बछलाय् बुन्हि लाःपिं नेपालभाषाया प्यम्ह हनेबहःपिं योगविर सिं कसाः, प्रेमबहादुर कसाः, चित्तधर 'ह्दय' व धर्मादित्य धर्माचार्यपिनि बुन्हि मंकाः कथं हनेज्या यात ।
डा. देवरत्न कसाःया सभापतित्वय् जूगु उगु ज्याझ्वलय् हितकरवीर सिं कसाः, राजा शाक्य, फणीन्द्ररत्न वज्राचार्य, सुदर्शना दर्शनधारीपिंसं नेपालभाषाया प्यम्ह हनेबहःपिनि व्यक्तित्वयात कयाः न्ववानादीगु खः। ज्याझ्वलय् पुलांम्ह मिस नेवाः आकाशा वज्राचार्यं नं नुगःखँ प्वंकादीगु खः।
ज्याझ्वलय् न्वकु सुर्यलाल प्रजापतिं लसकुस यानादीगु खःसा भृगुराम श्रेष्ठ जागरण म्येँ हालाः न्यंकादीगु खः ।
