थौं विश्व शरणार्थी दिवस

येँ (सन्ध्या टाइम्स)/भूटानी शरणार्थीतय्त थःगु देशय् लित छ्वयेगु नापं पुनर्वास सम्बन्धी थीथी ज्याझ्वः यासें नेपालय् नं थौं विश्व शरणार्थी दिवस हंगु दु। सन् २००१ निसें दँय्दसं जुन २० यात शरणार्थी दिवस कथं हना वयाच्वंगु खः। थुगुसी 'जिगु छेँ लाका काल तर जिगु भविष्य सुनां नं लाका काये फइ मखु' धइगु मू नारा थ्वयेकाः थ्व दिवस हनाच्वंगु दु। राष्ट्र संघया तथ्यांक कथं विश्वय् ४ करोड शरणार्थी दु। पूर्वी नेपाःया थीथी शिविरय् न्हय्गुद्वः शरणार्थी च्वनाच्वंगु दु। स्वंगूगु मुलुकय् पुनर्वास कार्यक्रम कथं स्वीनिद्वः भूटानी शरणार्थीत अमेरिका, अष्ट्रेलिया लगायतया देशय् थ्यनेधुंकूगु दु ।