सरकारया नेतृत्व बारे पार्टी दुने विवाद मदु : कोइराला़
नेपाली कांग्रेसया कार्यवाहक सभापति सुशील कोइरालां पार्टी दुने सरकारया नेतृत्व यायेगु बारे विवाद मदुगु खँ धयादीगु दु । वय्कलं सरकारया नेतृत्वयात कयाः पार्टी दुने विवाद दु धकाः वयाच्वंगु बुँख निराधार हल्ला जक जूगु धयादिसें नेतृत्व विधिसम्मत ढंगं हे चयन जुइगु धयादिल ।
आइतवाः येँय् जूगु साक्षात्कार ज्याझ्वलय् कोइरालां सहमतिय सरकारया नेतृत्व यायेत कांग्रेस तयार दुगु धयादिसें उकीया नेतृत्वया बारे पार्टीया केन्द्रीय समिति, संसदीय दल व संसदीय वोर्डया समन्वयलय् विधिसम्मत ढंगं नेतृत्व चयन जुइगु धयादिल ।
थ्वहे दथुइ कांग्रेसं थःगु पार्टीया नेतृत्वय् न्हूगु सरकार गठन यायेगु पहल सुरु याःगु दु । आइतवाः सुथय् न्हूगु सरकारया बारे सहलह यायेत कार्यवाहक सभापति कोइराला, संसदीय दलया नेता रामचन्द्र पौडेल लगायत नेतात प्रधानमन्त्री निवास बालुवाटार थ्यंकादीगु खः ।
