माओवादीया कारणं राजनीतिक अवरोध : कोइराला
उपप्रधानमन्त्री सुजाता कोइरालां माओवादीया हे कारणं राजनीतिक अवारोध जुयाच्वंगु द्वपं बियादीगु दु ।
खुन्हुन्यंकया भारत भ्रमण लिपा शनिवाः येँय् लिहांझायादीम्ह कोइरालां त्रिभुवन विमानस्थलय् पत्रकारत नाप खँल्हाबंला यानादिसें जारी राजनीतिक सहमतिया अवरोध माओवादी जूगु धयादिल । वय्कलं माओवादीं न्हापा याःगु सहमति कार्यान्वयन मयानाः सहकार्यया राजनीतिलय् बाधक जूगु धयादिल ।
वय्कलं थः भारतय् दुगु इलय् भारतीय राजनीतिक दलया नेतात नापं नेपाःया शुभेच्छुत नाप नापलाना खँल्हाबंला यानागु धयादिसें उपिं दक्वं नेपालय् दिगो शान्ति व इलय् हे संविधान निर्माण जुइमाःगु पक्षय् दुगु कनादिल ।
भारतय् दुगु इलय् मधेसय् अव्याच्वंगु हिंसाया विषययात कयाः नेपाः व भारया सीमा क्षेत्रय् सुरक्षा संयन्त्रयात चुस्त दयेकेगु बारे नं सम्बद्ध निकाय नाप सहलह जूगु धयादिल ।
