द्वन्द्व न्यूनीकरण व शान्ति स्थापनाया निंतिं र्‍याली

द्वन्द्व न्यूनीकरण व शान्ति स्थापनाया कामना यासें धनुषाय् शनिवाः शान्ति र्‍यालीया ग्वसाःग्वःगु दु । धुनषास्थित शान्ति समितिं शनिवा: सुथय् उगु र्‍यालीया ग्वसाःग्वःगु खः । जानकी द्येगलं सुरु जूगु र्‍याली जनकपुरया थीथी लागा चाहिला जिल्ला प्रशासन ज्याकूथीइ थ्यंकाः क्वचाःगु खः ।

र्‍यालीइ प्रमुख जिल्ला अधिकारी, सशस्त्र नापं जनपथ प्रहरीया वरिष्ठ अधिकारी, राजनीतिक दलया नेतात, नागरिक समाज, मानवअधिकारकर्मी लगायतया उपस्थिति दुगु खः । जनकपुरय् जेठया अन्तिम वा निसें हिंसाया ज्या अप्वयावंगुलिं शान्ति समितिं र्‍यालीया ग्वसाःग्वःगु खः ।