अर्थतन्त्र संकटय् मदुगु गर्भनरया दावी
नेपाल राष्ट्र बैंकया गर्भनर डा. युवराज खतिवडां नेपाःया अर्थतन्त्र संकटय् मदुगु दाबी यानादीगु दु । वय्कलं पिने वयाच्वंगु कथं नेपाःया अर्थतन्त्र संकटय् मदुगु धयादिल ।
नेपाल राष्ट्र बैंकया कर्चचारी संघया शुक्रवाः निसें सुरु जूगु केन्द्रीय परिषद्या बैठकया उल्लेज्या यानादिसें वय्कलं आर्थिक वृद्धिदर ४ प्रतिशत, औद्योगिक उत्पादन ३.५ प्रतिशत व मूल्यवृद्धि १० कुहांवयेवं अर्थतन्त्र संकटय् लाःगु खःला धकाः चिन्ता याये म्वाःगु धयादिल ।
वय्कलं थुगु दँय् आयात वृद्धिदर म्हो जूगु व वस्तु निर्यातय् समस्या खनेदुसां नं सेवा निर्यातय् वृद्धि जूगु जानकारी बियादिसें बैंकय् तरलता वृद्धि मजूगुलिं अर्थतन्त्रय् समस्या खनेदुगु धयादिल । भुक्तानी सन्तुलन घाटाय् वनेवं देय् घाटा वन धकां धाये मिलेमजूगु धयादिल ।
खतिवडां नेपाःया मुद्राय् रेमिट्यान्स १० प्रतिशतं अप्वःगु, विदेशी मुद्राय् सञ्चिति न्हापाया स्वयां म्हो जूसां नं आः अप्वयेगु ज्या सुरु जूगु धयादिल
