ज्ञानेन्द्र पुजा अर्चनाय् व्यस्त

पुलांम्ह जुजु ज्ञानेन्द्र शाह थीथी थासय् पुजा अर्चना यायेत व्य्स्त जुयादीगु दु । शाहं शुक्रवाः बाराया बरियारपुरस्थित प्रसिद्ध गढीमाई द्येगलय् पुजा अर्चना यानादीगु दु । तःधंगु ल्याख्य थः समर्थकत व क्वातुगु सुरक्षा व्यवस्था दथुइ वय्कलं गढीमाई द्येगलय् पुजा यानादीगु खः । वय्कया सुरक्षाया निंतिं अन नेपाल प्रहरी व सशस्त्र प्रहरीया क्वातुगु उपस्थिति दुगु खः ।

अथेहे शुक्रवाः हे शाहं पर्साया प्रसिद्ध शक्ति पिड बिन्दवासिनी द्येगः व शिख समुदायया गुरुद्वारय् नं पुजा अर्चना यानादीगु दु । बुधवाः सिमराया परवानीपुरय् दुगु माता बैष्णो द्येगलय् पुजा अर्चना यानाः थःगु तीर्थ यात्रा शुरु यानादीगु शाहं शनिवाः रौतहटया शिवनगरय् च्वंगु शिव द्येगलय् पुजा यानादीगु ज्याझ्वः दु ।