राजनीतिक सहमति मजुसां प्रमं राजीनामा : पोखरेल
सत्ताया नेतृत्व यानाच्वंगु नेकपा (एमाले)या महासचिव इश्वर पोखरेलं राजनीतिक दलत दथुइ सहमति मजुसां प्रधानमन्त्री माधवकुमार नेपालं याकनं हे राजीनामा बियादीगु खँ धयादीगु दु ।
बिहीवाः येँया रिपोटर्स क्लबय् जूगु छगू साक्षात्कर ज्याझ्वलय् न्ववानादिसें पोखरेलं देय्या राजनीतियात सहज दयेकेत दलत दथुइ सहमति मजुसां प्रधानमनत्रीं याकनं हे राजीनामा बीगु धयादिल । वय्कलं दलत दथुइ सहमति मजूगुलिं देय्या राजनीतियात सहज दयेकेत एमालें अज्याःगु निर्णय याये धुंकूगु धयादिल ।
वय्कलं थुगु सरकारं याकनं हे राजीनामा ब्यूसां न्हूगु आर्थिक दँया बजेट धाःसा थ्वहे सरकारं हइगु धयादिल । वय्कलं थ्व सरकारया राजीनामा लिपा सुया नेतृत्वय् न्हूगु सरकार गठन जुइगु बारे धाःसा सहलह मार्फत निर्णय यायेगु धयादिल । तर वय्कलं माओवादी शान्ति व संविधान निर्माणया मुद्दाय् सहमति मजुतल्ले माओवादी नेतृत्वया सरकार गठन जुइमफइगु दाबी यानादिल ।
