सचिवया हत्या विरुद्ध सरकारी ज्याकू बन्द

सर्लाही वबरगंज गाविस सचिव इन्द्रकुमार श्रेष्ठया हत्याया विरोधय् बिहीवाः जिल्लाया दक्वं सरकारी ज्याकूत बन्द जूगु दु । गाविस सचिव हकहित संरक्षण केन्द्रया अगुवाई बिहीवाः दक्वं सरकारी ज्याकू नापं अर्धसरकारी ज्याकूत बन्द याकूगु दु ।

मंगलवाः बहनी सदरमुकाम मलंगवा पाखें ज्याकूया ज्या क्वचायेकाः छेँय् लिहांवनाच्वंगु इलय् छथ्व सशस्त्र पुचलं श्रेष्ठयात गोलीं क्येकाः स्याःगु खः । गाविस सचिव हकहित संरक्षण केन्द्रं उगु घटनया दोषीयात कारवाही यायेमाःगु, श्रेष्ठया छेँजःयात क्षतिपूर्ति बीमाःगु नापं कर्मचारीया सुरक्षाया प्रत्याभूति यायेमा:गु माग या:गु दुसा इमिसं थ:पिनिगु माग पूमवंतल्ले अनिश्चितकालीन सरकारी ज्याकूत बन्द यायेगु खँ धाःगु दु ।