सिमा पालेत प्रतिबन्ध

सरकारं देय्न्यंक सिमा पालेत प्रतिबन्ध तःगु दु । तराईया जिल्लाय् व्यापक रुपं अनियमित ढंगं सिमा पालेगु ज्या जूगुलिं सरकारं निलाया निंतिं देय्न्यंक सिमा पालेत प्रतिबन्ध तःगु खः । वन अधिकृत, वन कर्मचारी व सामुदायिक वनया दुजःतय् संलग्नताय् हे व्यापक रुपं वन फँडानी जूगु तथ्य सार्वजनिक लिपा सरकारं थुगु पला ल्ह्वंगु खः । बुधवाः च्वंगु मन्त्रीपरिषद्या बैठकं निला तकया निंतिं सिमा पालेत प्रतिबन्ध तयेगु नापं थुकी जुयाच्वंगु अनियमितताया बारे छानबिन यायेत छगू समिति गठन यायेगु निर्णय नं याःगु दु ।<