देउवाया संयोजकत्वय् मस्यौदा समिति गठन
नेपाली कांग्रेसं वरिष्ठ नेता शेरबहादुर देउवाया संयोजकत्वय् पार्टीया झिंनिक्वःगु महाधिवेशनय् केन्द्रीय कार्यसमितिया पाखें पार्टीया नीति व ज्याझ्वः न्ह्यब्वयेत मस्यौदा समिति गठन याःगु दु ।
पार्टीया मू ज्याकू यलया सानेपाय् बुधवाः च्वंगु केन्द्रीय कार्यसमितिया बैठकं देउवायात मस्यौदा तयार यायेगु जिम्मा ब्यूगु खः । उगु समितियात स्ववाया दुने केन्द्रीय कार्यसमितिलय् पेश यायेत नं निर्देशन ब्यूगु दु ।
देउवा संयोजकत्वय् गठन जूगु समितिइ नीम्ह दुजःत दु । समितिया दुज:लय् उपसभापति गोपालमान श्रेष्ठ नापं डा. रामशरण महत, कृष्णप्रसाद सिटौला, महेश आचार्य, विनयध्वच चन्द, रामकृष्णा ताम्राकार, भीमबहादुर तामाङ, दिलेन्द्रप्रसाद बडू, एनपी साउद, सुप्रभा घिमिरे, ज्ञानेन्द्रबहादुर कार्की, अमरराज कैनी, फर्मूल्लाह मन्सुर, मानबहादुर विश्वकर्मा, पदमनारायण चौधरी, शिवचन्द्र मिश्र व पुरुषोत्तम बस्नेत दु ।
