सहकार्य व सहमतिया राजनीति त्वःधुला वनाच्वन : गृहमन्त्री

कार्यवहाक प्रधानमन्त्री व गृहमन्त्री बामदेव गौतमं सहकार्य व सहमतिया राजनीति त्वःधुला वनाच्वंगु व स्थिति गम्भीर जुया वनाच्वंगु खँ कनादीगु दु ।

बुधवाः यलय् जूगु छगू ज्याझ्वलय् न्ववासें मन्त्री गौतमं सत्ता साझेदार दलत दथुइ नं सहमति तनावनाच्वंगु खँ कनादिल । वय्कलं नकतिनि रुपन्देही हत्या जुम्ह एमाले कार्यकर्ता प्रचण्ड थैवया हत्यां आः जुयाच्वंगु असमझदारीयात अझ तच्वयेका ब्यूगु दु धयादिल ।

वयेकलं थ्व हत्याया बारे सरकार नाप छुं नं प्रमाण मदुगु तर एमालेया कन्द्रीय कमिटिं हत्यारा नां तकं सार्वजनीक यायेधुंकूगुलिं दुविधाय लानाच्वंगु खँ धयादिल ।

अथेहे वयेकलं नेपाली कांग्रेसं सरकारय् ब्वति मकाःगुलिं दुःख प्वंकादिल ।