ज्ञानेन्द्र पाखें बाराय् पुजा अर्चना

पुलांम्ह जुजु ज्ञानेन्द्र शाह पाखें बुधवाः बाराया परवानीपुरय् दुगु माता बैष्णो द्येगलय् पुजा अर्चना यानादीगु दु । बुधवाः सुथय् गुतात्याः इलय् बुद्ध एयर पाखें सिमरा बिमानस्थल थ्यंकादीम्ह शाहं बाघौ तक बैष्णेया द्येगलय् पुचा अर्चना यानादीगु खः ।

पुर्जा अर्चना लिपा वय्कलं राधाकृष्ण द्येगलय् माता वैष्णेया न्हूगु द्येगः दयेकूगु लसताय् ग्वसाःग्वःगु ज्याझ्वलय् ब्वति कयादीगु खः । उगु ज्याझ्वलय् वय्कलं द्येगः दयेकेत ग्वाहालि याःपिंत दसिपौ नं लःल्हानादीगु खः ।

शाह सिमरा विमानस्थलय् थ्यंगु इलय् वय्कया समर्थकतय्सं शाहयात लसकुस याःगु खः । वय्कलं बुधवाः पुजा अर्चना लिपा राप्रपा नेपालया कार्यकर्ता नाप नं खँल्हाबंला यानादीगु खः । शाह कन्हय् वीरगंज वनीगु ज्याझ्वः दु ।