महासेनानीलय् गुम्हेसित बढुवा

बुधवाः च्वंगु मन्त्रिपरिषद्या बैठकं थीथी पदय् दुपिं सैनकतय्त बढुवा याःगु दु । सरकारं सैनिक समाचार निर्देशनालयया सहायकरथी पवनबहादुर पाँडेयात उपरथीलय् बढुवा याःगु दु । बढुवा नापं वय्कयात भीमफेदीया मध्यपृतनापतिलय् सरुवा याःगु दु । अथेहे मध्य पृतनापति नत्रबहादुर थापायात निरीक्षणधिकृत ज्याकूथी सरुवा याःगु दु ।

सरकारं गुम्ह सेनानीयात महासेनानीलय् बढुवा याःगु दु । सरकारं सुरेन्द्रबहादुर सिजापती, सुदर्शनविक्रम राणा, सूर्यप्रसाद खनाल, शैलेन्द्र शमसेर थापा, बालकृष्ण कार्की, सञ्जय सिंह भण्डारी, पदमकुमार आङ्बो, जीतबहादु गुरुङ व सरोजप्रताप राणायात महासेनानीलय् बढुवा या:गु दु ।

अथेहे मन्त्रिपरिषद्या बैठकं महासेनानी धर्मबहादुर बानियाँयात स्टाफ कजेल शिवपुरीलय् व समिर शाहीयात बलाधिकृत विभागय् सरुवा याःगु दु ।