छगू हे पार्टीया मन्त्री व सभासद् दथुइ ल्वापू

सत्तारुढ मधेशी जनअधिकार फोरम लोकतान्त्रिकया मन्त्री व सभासद् दथुइ मंगलवाः ल्वापु जूगु दु । कलैयास्थित एभरेष्ट लजय् च्वनाच्वनादीम्ह भौतिक योजना निर्माण सहायक मन्त्री कलावती पासवान व बारा क्षेत्र नम्बर ३या सभासद् प्रमोद गुप्ता दथुइ ल्वापु जूगु खः ।

बाराया बरियारपुरय् च्वंगु गढीमाई द्येगय् पर्यटन विकासया आर्थिक मामिलाया बारे कयाः मन्त्री व सभासद् दथुइ विवाद जूगु खः । लिपा विवाद तच्वयेवं ल्वापु जूगु खः । मन्त्री पासवानं सभासद् गुप्तां गुण्डात हयाः ल्वापु सुरु याःगु द्वपं ब्यूगु दु । उखे सभासद् गुप्तां मन्त्री पासवानं आर्थिक अन्यमितता याःगुलिं कार्यकर्ता तम्वःगुलिं उकीया विरोध जक याःगु खँ धाःगु दु ।