बजेट अधिवेशन बारे सत्तारुढ झिगू दल दथुइ सहलह

सत्तारुढ झिगू दल दथुइ वइगु असार १० गते निसें बजेट अधिवेशन आह्वान यायेगु बारे सहलह जूगु दु ।

सोमवाः सिंहदरवार स्थित प्रधानमन्त्रीया ज्याकूथीइ च्वंगु झिगू दलया बैठकय् थीथी दलया नेतातय्सं संवैधानिक प्रावधान कथं असार १० गते निसें हे बजेट अधिवेशन न्ह्याकेमाःगु खँ धाःगु दु । प्रमुख प्रतिपक्षी दल एनेकपा (माओवादीं) संसद् अवरोध याइगु सम्भावना दुसां इलय् हे बजेट अधिवेशन च्वनेमाःगु खँय् सत्तारुढ झिगू दल सहमत जूगु दु ।

बैठक लिपा पर्यटन मन्त्री शरदसिंह भण्डारीं सत्तारुढ दलतय्सं प्रमुख स्वंगू दलत दथुइ सहमति जुइमफुसां असार १० गते निसें बेजट अधिवेशन च्वनेगु योजना कथं हे न्ह्याः वनेत सुझाव ब्यूगु खँ कनादिल ।

अथेहे बैठकय् बजेट अधिवेशनयात बिना अवरोध न्ह्याकेगु निंतिं प्रमुख विपक्षी दल माओवादी नाप नं सहलह यायेगु निर्णय याःगु दु ।