तरुण दस्ता माः : मन्त्री
येँ (सन्ध्या टाइम्स)/नेपाली कांग्रेसं दयेकेत्यंगु तरुण दस्ता सुयातं आक्रमण यायेत मखुसें थःपिनि हे आत्मनिर्णयया लागिं माःगु खँ उर्जा मन्त्री डा. प्रकाशशरण महतं धयादीगु दु ।
थौं विराटनगरय् सञ्चार माध्यमलिसे खँ ल्हासें मन्त्री महतं तरुण दस्तायात वाईसीएललिसे तुलना यानाः सञ्चार माध्यमं म्वाः मदुगु भ्रम सिर्जना याना बिउगु द्वपं नं बियादिल ।
