कीर्तिपुर क्याम्पसय् क्रान्तिकारी त्यात

नकतिनि क्वचाःगु त्रिविविया स्ववियू निर्वाचन अन्तर्गत कीर्तिपुर केन्द्रीय क्याम्पसय् नेकपा माओवादी समर्थित अखिल क्रान्तिकारीया उम्मेदवार हिमाल शर्मा सभापतिया पदय् त्याःगु दु । थः निकटतम प्रतिद्वन्दियात प्यसःत्या भोटया फरकय् शर्मा चुनाव त्याकूगु खः । कीर्तिपुर क्याम्पसय् सभापतिलिसें अप्वः धयाथें पदय् क्रान्तिकारीया हे वर्चस्व खनेदुगु दु ।

स्वनिगःया रत्नराज्य लक्ष्मी क्यामपसय् एमाले निकट अनेरास्ववियुया राजकुमार राईया प्यानाल त्याःगु दुसा नेपाल ल क्याम्पसय् नं एमाले निकट अनेरास्ववियुया हे प्यानल सहित सभापति गुणराज आचार्य त्याःगु दु । उखे पद्मकन्या क्याम्पसय् धाःसा नेविसंघया प्यानल त्याःगु दु ।