वर्कर्सया कार्यकर्ता ज्वन

येँ (सन्ध्या टाइम्स)/खोटाङया प्रहरी चौकीइ आक्रमण याःगु द्वपनय् भूमिगत किरात जनवादी वर्कर्सया कार्यकर्ता सुवास कार्कीयात खोताङया खाल्ले धइगु थासं थौं ज्वंगु दु। वर्कर्सया चन्दा प्याड व बन्दोवस्तीया सामान नापं कार्कीयात ज्वंगु खः। वंगु बैशाख २१ गते खोताङया नुनथल प्रहरी चौकीइ आक्रमण याःगु द्वपनय् वयात ज्वंगु खःसा उगु आक्रमणय् प्रहरी चौकीया ल्वाभःत नं लुटे याना यंकूगु खँ प्रहरीं धाःगु दु। लिपांगु इलय् वयाः प्रहरीं वर्कर्सया कार्यकर्तात थाय्थासय् ज्वनाच्वंगु दु ।