कायस्थयात नेवाः हना सिरपाः
सक्व (सन्ध्या टाइम्स)/भाषासेवी छत्रबहादुर कायस्थयात 'नेवाः हना सिरपाः सक्व' लःल्हात। सक्वय् जूगु छगू ज्याझ्वःया दथुइ मूपाहां रामशेखरं वय्कःयात झिद्वः तकाया उगु सिरपाः लःल्हानादीगु खः। ज्याझ्वलय् साहित्यकार एवं अन्वेषक छत्रबहादुर कायस्थया योगदानयात कयाः प्रा. माणिकलाल श्रेष्ठ व प्रा. सुवर्ण शाक्यं न्ववानादीगु खः ।
ज्याझ्वः ग्वसाः खलः भाषा साहित्य मुँज्या खलः सक्वया नायः केशव श्रेष्ठया सभापतित्वय् जूगु खः। उगु हे ज्याझ्वलय् सक्वया प्रतिभा भाजु विष्णु सक्वया उपचारयात विदेशया नेवाःतपाखें वःगु वःगु १ लाख ११ हजार १०० तका दां नं भाजु सक्वया छेँजःयात लःल्हात। सिरपाःया अक्षयकोष नं छगू लाखं आः स्वंगू लाख याःगु दु।
