थनिंनिसें लोडसेडिङ हानं थप

नेपाल विद्युत प्राधिकरणं हानं लोडसेडिङया ई थप याःगु दु । वालय् ४२घौ जुयाच्वंगु लोडसेडिङया ई थप यानाः सोमवाः निसें ५४घौं याःगु दु । मकवानपुरया कुलेखानी जलविद्युत आयोजनाय् विद्युत उत्पादन बन्द जूगुलिं लोडसेडिङया मार अप्वयेके माःगु खँ प्राणीकरणं धाःगु दु । कुलेखानी जलविद्युत आयोजनाया मर्मत सम्भार यायेमाःगुलिं अनं विद्युत उत्पादन यायेगु ज्या बन्द यायेमाःगु खँ धाःगु दु । प्राधिकरणया कथं आः सोमवाः निसें प्यन्हु तक स्वघौ/स्वघौया दरं न्हि स्वक व स्वन्हु तक खुघौया दरं लोडसेडिङ जुइ ।