कोइरालाया संयोजकत्व् महाधिवेशन मूल तयारी समिति
नेपाली कांग्रेसया झिंनिक्वःगु महाधिवेशनया निंतिं कार्यवाहक सभापति सुशील कोइरालाया संयोजकत्वय् मूल तयारी समिति गठन याःगु दु ।
पार्टी मू ज्याकू यलया सानेपाय् आइतवा: च्वंगु पार्टी केन्द्रीय कार्यसमितिया बैठकं कोइरालया संयोजकत्वय् झिंनिक्वःगु मूल तयारी समिति गठन याःगु खः । समितिया दुजलय् पार्टी केन्द्रीय पदाधिकारी, केन्द्रीय व आमन्त्रित केन्द्रीय दुजःतय्त दुथ्याइगु जानकारी कांग्रेसं ब्यूगु दु ।
अथेहे भदौ १० निसें १४ गते तक येँय् जुइत्यंगु झिंनिक्वःगु महाधिवेशन मूल तयारी समितिया दुजःलय् मन्त्री राज्य व सहायक मन्त्री, सभासद् दक्वं भातृ संगठनया अध्यक्ष/सभापति व शुभेच्छुक संस्थाया सभापतित नं दुथ्याइगु खँ धाःगु दु ।
अथेहे पार्टीया येँ जिल्लाया सभापतिया संयोजकत्वय् महाधिवेशन वयवस्थापन समिति नं गठन याःगु दु । व्यवस्थापन समितिया सदस्य सचिव सभापतिं नियुक्त याइगु व्यवस्था दुसाः दुजःलय् स्वनिगः दुनेया केन्द्रीय दुजः, यल व ख्वपया जिल्ला पार्टी सभापति, स्वनिगःया संविधानसभाया दुजः, स्वनिगः दुनेया भातृ संघया सभापति, स्वनिगः दुनेया शुभेच्छुक संस्थाया सभापति दइगु खँ धाःगु दु ।
