असंवैधानिक तरिकां संविधानसभाया म्याद थप : थापा
राष्ट्रिय प्रजातन्त्र पार्टी नेपालया अध्यक्ष कमल थापां तःधंगु राजनीतिक दलया नेतातय्सं असंवैधानिक तरिकां संविधानसभाया म्याद थप याःगु द्वपं बियादीगु दु । वय्कलं प्रमुख स्वंगू राजनीतिक दलतय् सत्तामोहया कारणं जननिर्वाचित संविधानसभाया म्याद असंवैधानिक तरिका थप याःगु धयादिल ।
आइतवाः हटौंडाय् च्वंगु थःगु हे छेँय् पत्रकारत नाप खँल्हाबंला यानादिसें वय्कलं प्रमुख दलतय्सं सत्ता केन्द्रीत राजनीति यानाः देय्यात बर्बाद याःगु धयादिल । वय्कलं शान्ति व संविधानया निंतिं स्पष्ट खाकाया अभाव दुगुलिं प्रधानमन्त्री माधवकुमार नेपालं राजीनामा बियाः जक समस्या मज्यनीगु दाबी यानादिल ।
जुजु व माओवादी दुथ्याःगु संविधान आवश्यक जूगु धयादिसें थापां संवैधानिक राजतन्त्र, हिन्दू राज्य लगायत विषययात मू मुद्दा दयेकाः राप्रपा नेपालं याकनं हे आन्दोलन न्ह्याकीगु धयादिल ।
