'स्वता कारणं दीपेन्द्रं वीरेन्द्रयात स्याःगु खः'

पुलांम्ह युवराज पारसं राजदरवार हत्याकण्डया ल्यूने छता जक कारण मखसें स्वता कारण दुगु खँ धाःगु दु । सिङ्गापुरया न्यू पेपरयात ब्यूगु अन्तरर्वार्ताय् पारसं थ्व खँ कंगु खः । दरवार हत्याकाण्डया बारे न्हापांगु खुशी म्हुतु चायेकूसें पारसं हत्यार खरिद सम्बन्धि मल्टि मिलियन डलरया असफल सम्झौता, अस्वीकृत जूगु मतिना व २०४६ साल लिपा पूर्ण राजतन्त्रया अन्त्यप्रति असहमति प्वंकूसें दीपेन्द्रं थः अबुयात स्याःगु खँ धाःगु दु ।

'नेपाली सेनां बेलिजयन एसएलआरयात विस्थापित यानाः न्हूगु हतियार न्यायेत स्वल । दीपेन्द्रं जर्मन हेकलर व को जी ३६यात ययेकू खः । वं कोल्ट जी ३६यात माययेकू' । पारसं अन्तरर्वार्ताया झ्वलय् धाल, 'तर विरेन्द्रयात थ्व खँ यः मताल । जीं स्यू थ्वहे कारण याना अबु व काय् दथुइ विवाद नं जूगु खः । दीपेन्द्र थ्वहे कारणं यानाः निरासा जुयाच्वंगु खः ।'

'नेपाली सेनां ५० हजार न्हूगु जर्मन असल्ट राइफलया ल्यःगु खः गु न्हापा हे बजारय् उपलब्ध दुगु खः ।' पारसं धाल, 'दीपेन्द्रया सल्लाहकार सम्झौताया तयारी यानाच्वंगु खः । वकीं छपू हतियारया ३०० डलरया ल्याखँ १५ मिलियन डलर लवः जुइफूगु खः ।'

पारसया अन्तर्वार्ता नकतिनि प्रधानमन्त्री पुष्पकमल दाहलं याःगु दरवार हत्याकाण्डयात पुनः छानबिन यायेगु घोषणाया प्रतिक्रिया लिपा वःगु खः । परसं धाःगु दु, 'दीपेन्द्रयात ध्यबा माचाच्वंगु खः । थः धाः थें मजूसाः देय् हे त्वता वनेगु योजना तकं दयेके धुंकूगु खः ।' परसं राजदरवार विवादया निंतिं उर्वर थाय् खः धये नं त्वमफीकू ।

'२०४६ सालया तत्कलीन जुजु वीरेन्द्रं स्वीदँया पाचायाती शासनयात चीका न्हूगु संविधान लागू याःगु खः ।' पारसं धाल, '२०४६ सालय् अबुं प्रत्यक्ष शासन त्वतेगु निर्णय लिपा दीपेन्द्र हिलावंगु खः । देशय् शासन याये चाहे जूगुलिं गुवलें अबुया निर्णयलय् सहमति मप्वंकू । जीत लगेजू दीपेन्द्रं उवले लिसें हे योजना देयेकेत शुरु याःगु खः ।'

'दरवार हत्याकाण्ड याकेगु निगूगु कारण वया थः यज्जू देवयानी राणा खः । देवयानी शत्रु खलकया सदस्य जूगुिलं राजपरिवर दीपेन्द्रया इहिपा वनाप याकेगु पक्ष मदगु खः ।' दीपेन्द्रं तच्वयेक नशा सेवन याना थः छेँजःया हत्या याःगु धापूयात पारसं अन्तर्वार्ता खण्डन याःगु दु ।

अन्तर्वार्ताया झ्वलय् पारसं धाल, 'जीं तसकं बांलाक लुमं सन् २०००य् थःगु जरमनीवय् दीपेन्द्रं झी सकसितं धाःगु खः जीं आइभोरी टावर क्वथले तर झीसं वया खँयात गम्भिर रुपं मकयाः । वय्क उबलये युवराज खः सु जुजु जुइत्यंम्ह खः । वं थः अबुया हत्या याइ धका सुनां बीचा याःगु जुइ ?'

पारसया कथं, 'थः घटनास्थलय् थ्यंवलय् दीपेन्दं असाधारण पह क्यानाच्वंगु व नशाय् दुबे जुयाच्वंम्ह थॆं ज्या यानाच्वंगु खः ।' तर दीपेन्द्र व सनिलय् नशाय् मदुगु ठोकूवा पारसया दु ।

पारसं धाःगु दु, 'जीं वयात तसकं बहांलाक्क म्हस्यू वं अप्व जुइक त्वनेधुनः जीं न्हिने निसिं त्वनाच्वनाःगु धाःगु खः । तर वया म्हं भतिचा नं गन्ध वःगु मदु ।'