नेमकिपां सरकारयात ब्यूगु समर्थन लितकाल

नेपाल मजदुर किसान पार्टीं माधवकुमार नेपाल नेतृत्वया सरकारयात ब्यूगु समर्थन लितकाःगु दु । नेमकिपाया शनिवाः च्वंगु केन्द्रीय सचिवालयया बैठकं वर्तमान सरकारं देय् व जनतया पक्षय् ज्या यायेमफुगु, शान्ति प्रकृया न्ह्याकेमफुगु नापं थ्व सरकार गठन जुइ न्ह्यः एमाले अध्यक्ष झलनाथ खनालं ल्हाःचिं तःगु १८ बुँदे सहमतिया यात सरकारं कार्यान्वया यायेमफुगु ठहर यासें सरकारयात ब्यूगु समर्थन लितकाःगु खः ।

बैठकं वर्तमान सरकार दच्छि दयेधुंका नं त्वनेगु ल:या हाहाकार, लोडसेडिङ यथावत, फोहर व्यवस्थापन जुइमफुगु, शान्ति सुरक्षाया अभाव लगायत समस्यात यथावत जूगु निष्कर्ष पिकासें सरकारयात ब्यूगु सर्मथन लितकाःगु खः ।