हङकङय् नेपाली स्या:गु विरुद्ध प्रदर्शन

प्रहरीया गोलि लाना छम्ह नेपाःमि सीगु विरुद्ध हङकङ च्वनाच्विपं द्वलंद्व नेपाःमितय्सं आइतवाः हत्याया विरोद्धय् प्रदर्शन याःगु दु । वंगु चैत ४ गते नेपाःमि दिलबहादुर लिम्बुं प्रहरीयात मेचं केकूगु धासें प्रहरीं वयात गोलिं केकूगु खः । लिम्बु उपचार जुयाच्वंगु इलय् मदुगु खः ।

प्रदर्शनकारीतय्सं मू सतक जुया बजाः चाहिले धुंकाः सेन्ट्रलस्थित कार्यकारी प्रमुख अधिकारी समक्ष थीथी माग तया विरोध पौ लःल्हाःगु खः । थीथी नारा च्वयातःगु प्लेकार्ड व ब्यानर ज्वना न्याद्वंया ल्याख्य् नेपाःमितय्सं प्रदर्शन याःगु खः । प्रर्दशनय् स्थानीय चिनियाँ, भारतीय, पाकिस्तानी व बगंलादेशीतय्सं तकं ऐक्बद्धता प्वंकूसें ब्वति काःगु खः ।

हङकङ सुरक्षा विभागं घटनायात तसकं गम्भीरतापूर्वक काःगु धासें घटनाया निष्पक्ष अनुसन्धान न्ह्याःकाःगु खँ धाःगु दु ।