येँनं वंगु फोहोर हानं लँय् तुं पन
येँ (सन्ध्या टाइम्स)/येँय् हानं फाहोर वायेगु समस्या शुरु जूगु दु। ओखरपौवाया ल्याण्डफिट साइटय् फोहोर वाः वंगु ट्रकतय्त स्थानीय रातमाटेया मनूतय्सं पनाः दत्या न्ह्यः जूगु सम्झौता पालना या धकाः दवाव बिउगु दु। उमिसं अन थौं सुथय् वंगु १२ गः ट्रक पना तःगु खःसा मेगु ट्रक सोह्रखुट्टें हे लिहां वःगु खः ।
रातमाटेय् लँ पनेत अनसं च्वंगु छगू स्कूलया मस्त नापं हयातःगु खँ धाःगु दु। मनपां धाःसा उपिंलिसे थौं हे वार्ता यायेगु तयारी यानाच्वंगु दु। ल्याण्डफिट साइटय् ट्रक पंसां मनपां फोहोर मुनेगु ज्या धाःसा अझं न्ह्याका हे च्वंगु दनि। स्थानीय मनूतय्सं स्कूल, लँ आदि दयेका बीमाःगु माग यानाच्वंगु दु ।
