कन्हय् धर्मादित्य बुन्हि हनीगु
येँ (सन्ध्या टाइम्स)/नेपालभाषाया न्हापांम्ह पत्रकार धर्मादित्य धर्माचार्यया १०९ दँ बुन्हि हनेगु लिसें थुगु दँया धर्माचार्य सिरपाः व धर्मादित्य सम्मान बीगु ज्याझ्वः कन्हय् शनिवाः जुइत्यंगु दु। यलया बार हलय् जुइगु उगु ज्याझ्वलय् रुक्मिणी श्रेष्ठयात धर्मादित्य सिरपाः व नरेशवीर शाक्ययात धर्मादित्य हनापौ लःल्हाइगु ग्वसाः दु। उखे नेपालभाषा एकेदमिपाखें थौं छगू ज्याझ्वःया दथुइ प्रा. इन्द्र मालीं तयार यानादीगु नेपालभाषाया तःखँग्वःधुकू विमोचन जुइत्यंगु दु ।
