सेना समायोजन बारे निर्णय यायेगु जिम्मा पोलिटब्यूरोयात

एकीकृत नेकपा (माओवादीं) शान्ति प्रकृया नापं सेना समायोजन व व्यवस्थापनया बारे निर्णय यायेगु जिम्मा पोलिटब्यरो बैठकयात ब्यूगु दु ।

सत्तारुढ दलत नेपाली कांग्रेस व नेपाली एमालें आः हे सेनाय् समायोजन जुइगु माओवादी लडाकुतय् ल्याः क्वःछिमाःगु माग यानाच्वंगु इलय् शुक्रवाः सुथय् च्वंगु माओवादी स्थायी समितिया बैठकं थुकी निर्णय यायेगु जिम्मा पोलिटब्यूरो बैठकयात ब्यूगु दु ।

माओवादी मू ज्याकू येँया कोटेश्वर पेरिस डाँडाय् च्वंगु बैठकं प्रमुख स्वंगू दलत दथुइ जेठ १४ गते जूगु सहमतिलय् कांग्रेस व एमाले इमान्दार मजूगु धासें थुकीया कार्यान्वयनया निंतिं माओवादीं थप लचकता क्यनेगु निर्णय याःगु दु ।

बैठकं म्हिग माओवादी पदाधिकारीतय्सं न्हूगु राष्ट्रिय सहमतिया सरकारया नेतृत्व पार्टी अध्यक्ष प्रचण्डं हे यायेगु निर्णययात अनुमोदन याःगु दु ।