संविधान जारी यायेत दच्छि पीयाच्वने म्वाः : नेम्वाङ

संविधानसभा अध्यक्ष सुवासचन्द्र नेम्वाङं न्हूगु संविधान जारी यायेत दच्छि पियाच्वने म्वाःगु खँ धयादीगु दु ।

नेपाल बार एसोसिएसनया ३४ क्वःगु कार्यकारी परिषद्या बैठकया शुक्रवाः दोल्खाय् उल्लेज्या यानादिसें वय्कलं संविधानसभाया म्याद दच्छि थप याःगुया अर्थ दच्छि लिपा जक संविधान जारी यायेगु मखु धयादिल । वय्कलं दच्छिया दुनेया अवधिलय् संविधान जारी यायेमाःगु धयादिसें दच्छि पूवंक हे पी म्वाःगु धयादिल ।

इलय् हे ज्या यायेगु खःसा च्यला-गुलाया दुने हे संविधान जरी ययोफइगु धयादिसें नेम्वाङं राजनीतिक दलत दथुइ जुयाच्वंगु मतभेदया कारणं संविधान निर्माण यायेगु ज्यां गति कायेमफयाच्वंगु धयादिल । वय्कलं राजनीतिक दलत दथुइया सहमति बिना न्हूगु संविधान व शान्ति संस्थागत यायेमफइगु धयादिल ।