युवा दस्ता गठन याःसा कारवाही : कोइराला
नेपाली कांग्रेसया कार्यवाहक सभापति सुशील कोइरालां थःगु पार्टी दुने सुं नं नेतां युवा दस्ता गठन याःसा वा अज्याःगु दस्ता गठनय् ग्वाहालि याःसा उमित कारवाही यायेगु ख्याच्वः बियादीगु दु ।
कांग्रेस दुने जुयाच्वंगु आन्तरिक विवाद ज्यंकेमाःगु माग यासें शुक्रवाः कांग्रेसया कार्यकर्तातय् ज्ञापनपौ कयादिसें वय्कलं पार्टी दुनेया युवा दस्ता गठनय् लगे जुयाच्वंपिं नेता निसें कार्यकर्तात दक्वसितं कारवाही यायेगु धयादिल ।
वय्कलं थंज्याःगु युवा दस्तां हिंसा अप्वयेकीगुलिं युवा दस्ता गठन यायेमज्यूगु धयादिसें कांग्रेस थंज्याःगु प्रजातन्त्रय् विश्वास याइगु पार्टीयात युवाः दस्ता मान्य मजुइगु धयादिल ।
सिन्धुपलाञ्चोकय् कांग्रेसया वरिष्ठ नेता शेरबहादुर देउवा नापं केन्द्रीय दुजः खुमबहादुर खडकाया उपस्थितिइ कांग्रेसया युवा दस्ता सार्वजनीक यायेगु तयारी जुयाच्वंगु इलय् कोइरालाया थंज्याःगु धापू सार्वजनीक जूगु खः ।
