प्रचण्ड नेतृत्वया सरकार कांग्रेसयात अस्वीकार्य

नेपाली कांग्रेसं एनेकपा (माओवादी)या अध्यक्ष पुष्पकमल दाहाल 'प्रचण्ड'या नेतृत्वय् राष्ट्रिय सरकार गठन जुइमफइगु निष्कर्ष पिकागु दु ।

कांग्रेस पार्टीया मू ज्याकू यलया सानेपाय् बिहीवाः च्वंगु केन्द्रीय कार्यसमितिया बैठकं प्रचण्डया नेतृत्वय् राष्ट्रिय सहमतिया सरकार गठन जुइमफइगु ठहर याःगु ख: । कांग्रेसं न्हापा माओवादीं सरकारया नेतृत्वया निंतिं विकल्प चायेकाःगु खँ न्ह्यने ह:गु व आः थुकीया अःख प्रचण्डया हे नेतृत्वय् सरकार गठन जुइमाःगु धकाः माओवादीं काःगु अडान थःपिंत अस्वीकार्य जूगु खँ धाःगु दु ।

बिहीवाः च्वंगु माओवादी पदाधिकारीतय् बैठकं राष्ट्रिय सहमतिय सरकारया नेतृत्व माओवादीं याइगु व माओवादी पाखें नं अध्यक्ष प्रचण्डं हे नेतृत्व याइगु निर्णय याःगु खः ।