हिउँदे अधिवेशन शुरु

व्यवस्थापिका संसदया हिउँदे अधिवेशन आइतवाः शुरु जूगु दु । संविधान सभाया अध्यक्ष सुभाषचन्द्र नेम्वाङ्गं राष्ट्रपति रामवरण यादवया पौ ब्वनाः आइतवाः हिउँदे अधिवेशन शुरु यानादीगु खः ।

च्यागु मिनेट जकः न्ह्याःगु व्यवस्थापिका संसदया बैठकया न्हापांगु न्हि नकतिनि सिम्ह सभासद् बोधनारायण यादव व पुलांम्ह कानून मन्त्री महेश्वर प्रसाद सिंहया लुंमन्ति शोक प्रस्ताव पारित यानाः बैठक स्थगन याःगु खः । यादव सुनसरी सवारी दुर्घटनाय् लाना मदुगु खसाः सिंह हृदयघातया कारण मदुगु खः ।

संसद मंगलवाः न्हिनेसिया स्वताः ई तकया निंतिं स्थगित याःगु दु ।

विधेयक अधिवेशनया कथं नं काइगु हिउँदे अधिवेशनय् सरकारं स्वंगु अध्याधेश व झिंस्वंगु विधेयक ह्येगु तयारी यानाच्वंगु दु ।