'स्वलाःया दुने सेना समायोजन याये मफइगु'
सेना समायोजन विशेष समितियात ग्वहालि जुइ कथं देयेकूगु प्राविधिक समितिं स्वालाःया दुने सेना समायोजन याये मफइगु खँ धाःगु दु । आइतवाः सिंहदरवारय् च्वंगु समितिया न्हापांगु बैठकय् कार्यतालिका व विशेष समितिं ब्यूगु कार्यक्षेत्र विभाजन बारे सहलह जूगु दु ।
अनिमनया अवधि आसर तक जक: जूगुलिं सेना समायोजन विशेष समितिं वहे ई दुने समायोजन प्रक्रिया पूवंकेगु निर्णय याःगु खः ।
बैठकय् भाग काःपिं दुजतय्सें थःपिं मन्त्री या राज्यमन्त्री सरह सुविधाया माग याःगु दु । प्राविधिक समितिइ पुलांम्ह जनरल, स्वम्ह माननीयत दुगुलिं राज्यमन्त्री स्वयां क्वयेया सुविधा मकायेगु निर्णय याःगु दु । प्राविधिक समितियात नं विशेष समिति सरहया सुविधा बीमाःगु माग नं बैठकं याःगु दु ।
बैठकय् जूगु निर्णय प्रधानमन्त्री प्रचण्ड युरोप भ्रमणं लिहांझ्येधुंका खँ ल्हायेगु सहमति जूगु दु ।
