उपप्रम विजय गच्छेदार न्हूदिल्लीपाखे
येँ (सन्ध्या टाइम्स)/देशय् सरकार हिलेगु लागिं तयारी जुयाच्वंगु इलय् लाक्क उपप्रधानमन्त्री विजय गच्छदार थौं न्हू दिल्लीपाखे वनेत्यंगु। वय्कः मिखाया अपरेशन यायेगु त्वहः चिनाः उखे वनेत्यंगु खः। अथे खःसां अन वय्कलं भारतया थीथी तहयापिं नेतात धाःसा नापलाइगु ज्याझ्वः दयेकादीगु दु। वय्कः थौं वनाः थनिंनिसें हे थीथी नेतात नाप लाइगु खँ धाःगु दु। वय्कःया दिल्ली भ्रमण म्हिगः तिनि आकाझाकां तयार जूगु खँ सूत्रं धाःगु दु ।
उपप्रधानमन्त्री गच्छदारं थौं कन्हय् जुयाच्वंगु राजनीतिक अन्यौल मदयेकगु खःसा आः मधेशवादी दलत जानाः सरकार गठन यायेमाः धइगु बिचाः तया वयाच्वनादीग दु। वय्कःया थ्व भ्रमण लिपा मधेशवादी दलतय्सं सरकार हे थ्यंक गठन मयाःसां आः वइगु सरकारय् मधेशवादी पार्टीतय्त तःधंगु थाय् दइगु अनुमान जुयाच्वंगु दु ।
