छत्रबहादुर कायस्थयात नेवाः हना सिरपाः
सक्व (सन्ध्या टाइम्स)/थुगुसीया 'नेवाः हना सिरपाः सक्व' नेपाल संस्कृति दँपौया सम्पादक प्रकाशक नापं साहित्यकार छत्रबहादुर कायस्थयात बीगु जूगु दु। भाजु कायस्थं नेपालभाषा ख्यलय् साहित्य सिर्जना, अनुसन्धान व सफू पत्रपत्रिका पिकयाः यानादीगु योगदानया कदर यासें सक्वया भाषा साहित्य मुँज्या खलःपाखें थ्व सिरपाः बीगु निर्णय याःगु खः ।
थुगु सिरपाः झिद्वः तका धनराशीया खः। थ्वहे वइगु शनिवाः सक्वया भगवती माविइ छगू ज्याझ्वः यासें वय्कःयात थ्व सिरपाः लःल्हाइगु ग्वसाः दु ।
नेसं ११२५ य् जनकवि दुर्गालाल श्रेष्ठयात न्हापांखुसी बिउगु थ्व सिरपाः आः तक च्याम्हेसित बीधुंकूगु दु ।
