किपूलि स्वतन्त्र विद्यार्थी युनियनया मतगणना हाकनं स्थगित

किपू क्याम्पसय् स्वतन्त्र विद्यार्थी युनियनया मतगणना हाकनं छक्व स्थगित जूगु दु । एमाले समर्थीत अखिलं पोखराया पृथ्वीनारायण क्याम्पस व बुटवल बहुमुखी क्याम्पसय् नं स्थगित जुयाच्वंगु मतगणना शुरु यायेमाःगु माग यासें किपूलिया मतगनणा अवरुद्ध यानाब्यूगु दु । च्यान्हू न्ह्यः निसें स्थगित जुयाच्वंगु किपूलिया मतगणना शनिवाः सनिलय् निंसें जकः शरु जूगु खः ।

अखिल क्रान्तिकारीं मतगणनाया विरोध यानाच्वंसां आः तकःयाः मतगणनाया लिच्वः कथं अखिल क्रान्तिकारी हे न्ह्यने लानाच्वंगु दु ।

स्वतन्त्र विद्यार्थी युनियनया निर्वाचन चैत ६ गते जूगु खः ।