निम्ह एसएसपीया बढुवा

सरकारं निम्ह एसएसपीयात डिआईजीलय् बढुवा याःगु दु । बुधवाः च्वंगु मन्त्रिपरिषद्या बैठकं एसएसपीत टपेन्द्रध्वज हमाल व केशबहादुर शाहीयात डिआईजीलय् बुढवा याःगु दु । अथेहे बैठकं वैद्यखाना विकास समितिया अध्यक्षय् रामचन्द्र अधिकारीयात नियुक्त याःगु दु ।

अथेहे मन्त्रिपरिषद्या बैठकं जनक शिक्षा सामाग्री केन्द्र लिमिटेडया कार्यकारी प्रमुखया जिम्मेवारी सहायक प्रमुख रामचन्द्र सिलवालयात ब्यूगु दु । लिमिटेडया कार्यकारी प्रमुख वीरेन्द्रकुमार दास निलम्बनय् लायेवं खाली जुयाच्वंगु पदय् सिलवालयात नियुक्त याःगु खः ।

शिक्षा सामाग्री केन्द्र लिमिटेडया सफु छपाइलय् अनियमितता याःगु द्वपं बिया अख्तियार दुरुपयोग अनुसन्धान आयोगं दासयात कारवाही यायेत सिफारिस यायेवं सरकारं दासयात निलम्बन याःगु खः ।