सेना समायोजनय् सरकार गम्भीर मजुल : भट्टराई

एकीकृत नेकपा (माओवादी)या उपाध्यक्ष डा. बाबुराम भट्टराईं सेना समायोजन यायेत सरकार गम्भीर मजूगु द्वपं बियादीगु दु ।

नेपाः स्थित संयुक्त राष्ट्रसंघीय मिसन अनमिन प्रमुख करिन ल्यानग्रेन नाप जूगु खँल्हाबंलाय् वय्कलं सेनाय् समायोजन जुइगु माओवादी लडाकूतय् ल्याः आः हे क्वःछीमाःगु धकाः समायोजन प्रकृयाय् सरकारं पंग थनाच्वंगु धयादिल ।

येँया शान्तिनगरय् थःगु हे छेँय् जूगु खँल्हाबंलाय् वय्कलं सेना समायोजन यायेगु खँय् सरकार गम्भीर मजुयाः शान्ति प्रकृया हे थनाच्वंगु धयादिसें माओवादी सेना समायोजन यानाः शान्ति प्रकृयायात याकनं निष्कर्षय् थ्यंकेत गम्भीर जूगु धयादिल ।

उगु इलय् अनमिन प्रमुख ल्यानग्रेनं दलत दथुइ सहमति यानाः याकनं सेना समायोजन यायेत व शान्ति प्रकृयायात निष्कर्षय् थ्यंकेत इनाप यानादिल ।