'सत्ता केन्द्रीत राजनीतिं शान्ति व संविधान अलपत्र'
उपप्रधानमन्त्री विजयकुमार गच्छदारं प्रमुख स्वंगू दलतय्सं सत्ता केन्द्रीत राजनीति यानाच्वंगुलिं शान्ति व संविधान अलपत्र जूगु खँ धयादीगु दु । वय्कलं प्रमुख स्वंगू दलं शान्ति व संविधानयात पूर्णता बीमफुगु खःसा उकीया निंतिं लँपु चायेके माःगु धयादिसें आः सरकारया नेतृत्व मधेशवादी दलतय्सं याये दयेमाःगु धयादिल ।
स्वास्थ्य उपचारया निंतिं बुधवाः भारतया राजधानी न्हू दिल्ली प्रस्थान याये न्ह्यः त्रिभुवन विमानस्थलय् पत्रकारत नाप खँल्हाबंला यानादिसें वय्कलं प्रमुख स्वंगू दलत माओवादी, कांग्रेस व एमालेयात सरकार जक माःगु धयादिसें थुकीया कारणं हे शान्ति प्रकृया व संविधान निर्माण ज्या जुइमफुगु धयादिल । स्वंगू दलत दथुइ सत्ता भागबन्डा मिलेमजूगुलिं हे जेठ १४ गते जूगु सहमति कार्यान्वयन जुइमपूगु दाबी वय्कलं यानादिल ।
वय्कलं थः वासः याकेत न्हू दिल्ली वनेत्यनाःगु जुसां अन भारतीय नेतात नापलायेगु ज्याझ्वः नं दुगु धयादिल ।
