एमालें संसद अवरुद्ध याइगु

आइतवाः सुथय् सिंहदरवारय् च्वंगु एमालेया संसदीय बैठकं थौं शुरु जुइत्यंगु हिउँदे अधिवेशनया संसदीय बैठक अवरुद्ध यायेगु निर्णय याःगु दु । बुधवाः रुपन्देही हत्या जुम्ह युथ फोस्रया कार्यकर्ता प्रचण्ड थैवया हत्या मओवादीया जिल्ला अध्यक्ष सुजीत विक व वयाः पुचःलं याःगु द्वपं बिसें एमालें थः माओवादी विरुद्व संसदय् सशक्त रुपं प्रस्तुत जुइगु निर्णय याःगु दु ।

बैठकय् पार्टी अध्यक्ष व संसदीय दलया नेता झलनाथ खनालं थःगु पार्टीया सभासद्तय्त निर्देशन बिसें माओवादी ज्यादतीया विरुद्ध सशक्त ढङ्गं प्रस्तुत जुइत निर्देशन बियादीगु दु । संसदय् सशक्त प्रतिवाद यासां तत्काल सरकार त्वतिगु पक्ष धासाः मदुगु खँ नं अध्यक्ष खनालं कनादिल ।