पुलांगु हे शुल्क कायेत सर्वोच्चया आदेश

सर्वोच्च अदालतं त्रिभुवन विश्वविद्यालययात पुलांगु हे शुल्क कायम यायेत अन्तरिम आदेश ब्यूगु दु । १३ विद्यार्थी संगठनतय्सं दायर याःगु रिटय् मंगलवा: न्यायाधीशत ताहिर अली अन्सारी व अवदेशकुमार यादवया मंकाः इजलासं २०६६ मंसिर १९ स्वयां न्ह्यः भर्ना जूपिं विद्यार्थीत नाप पुलांगु हे शुल्क कायेत अन्तरिम आदेश जारी याःगु दु ।

१३ विद्यार्थी संगठनतय्सं त्रिविं एकपक्षीय ढंगं शुल्क वृद्धि याःगु व आंगिक क्याम्पसय् शुल्कय् एकरुपता मवगु धासें उत्प्रेसणया आदेशपाखें निर्णय बदरया माग यासें रिट दायर याःगु खः ।