कांग्रेस केन्द्रीय कार्यसमितिया बैठक शुरु
नेपाली कांग्रेस केन्द्रीय कार्यसमितिया बैठक थंनिनिसें शुरु जूगु दु । कांग्रेस मू ज्याकू यलया सानेपाय् च्वंगु बैठकय् कांग्रेसया महाधिवेशन नापं राजनीतिक गतिरोधया बारे सहलह जूगु दु ।
बैठकय् केन्द्रीय दुजः गोविन्दराज जोशी, चिरञ्जीवी वाग्ले, बलबहादुर केसी, महेश आचार्य, लक्ष्मणप्रसाद घिमिरे, दीपकुमार उपाध्याय, एनपी साउद लगायत नेतातय्सं थःथःगु बिचाः प्वंकूगु खः । छुं नेतातय्सं पार्टी महाअधिवेशनया तयारीलय् लगे जुइमाःगु खँय् बः ब्यूगु खःसा छुंछुं नेतातय्सं आः न्हूगु राष्ट्रिय सहमतिया सरकारया नेतृत्व कांग्रेसं यायेमाःगु धासें उखे पाखे पार्टीं ध्यान बीमाःगु बिचाः प्वंकूगु खः ।
बैठकय् पार्टी केन्द्रीय निर्वाचन समितिया संयोजक राधेश्याम अधिकारीं नेपाली कांग्रेस निर्वाचन निर्देशिका-२०६७ न्ह्यब्वयादीगु खःसा केन्द्रीय क्रियाशील सदस्यता छानविन समितिया संयोजक नरहरि आचार्यं समितिं उकीया बारे आः तक या:गु ज्याया प्रगति विवरण न्ह्ब्वयादीगु खः ।
केन्द्रीय कार्यसमितिया बैठक बुधवाः हानं च्वनीगु ज्याझ्वः दु ।
