थौं कांग्रेसया मुँज्या
येँ (सन्ध्या टाइम्स)/नेपाली कांग्रेसया केन्द्रीय समितिया थौं सनिलय् मुँज्या च्वनीगु जूगु दु। पार्टीया केन्द्रीय ज्याकू सानेपाय् च्वनीगु उगु मुँज्याय् न्हूगु सरकारया नेतृत्व कांग्रेसं यायेमाल धाःसा गुगु कथं सुनां यायेगु, स्वंगू दलया दथुइ जूगु स्वंगू बुँदाया सहमति कार्यान्वयन यायेगु, शान्ति व संविधान नापं पार्टीया झिंनिक्वःगु महाधिवेशनया सवालयात कयाः सहलह जुइ धाःगु दु। नेपाली कांग्रेसं वइगु भदौ १० गतेनिसें पार्टीया झिंनिक्वःगु महाधिवेशन यायेगु निंतिं माःगु निर्वाचन निर्देशिका नं थौंया मुँज्यां हे पारित याइगु जूगु दु ।
