ठेक्काया खँय् गोलीं कयेकाः ल्वापु

येँ (सन्ध्या टाइम्स)/ नुवाकोटया शहरी विकास नापं भवन निर्माण विभाग डिभिजनया ज्याकू लागाय् थौं सुथय् निगू पुचःया दथुइ ठेक्काया विषययात कयाः ल्वापु जूगु इलय् गोलीं समेत चले जूगु दु। छथ्वःसिनं कयेकूगु गोलीं कयाः कविलास गाविसया अनिल लामा घाःपाः जूगु दु। वइगु विहिवा जुइगु ठेक्काया विषययय् निथ्वःसिया दथुइ ल्वापु जूगु खः। ल्वापुइ गोली तकं चले जूगुलिं उगु लागाय् सुरक्षाकर्मी व्यापक रुपं तैनाथ याःगु दु ।