कांग्रेसी लिम्बुतपाखें कांग्रेस विरुद्ध खेद प्रस्ताव
येँ (सन्ध्या टाइम्स)/नेपाली कांग्रेस समर्थित लिम्बूत जानाः स्वनातःगु कांग्रेसया हे भातृ संगठन नेपाल लिम्बू संघयात मान्यता बी मते धकाः केन्द्रं मेची व कोशीया फुक्कं जिल्लाय् छ्वयातःगु गोप्य पत्रं अनया कांग्रेसी लिम्बुतय्त तसकं आक्रोशित याना बिउगु दु ।
लिम्बुवानया मेमेगु संगठनतय्सं थें नेपाल लिम्बु संघं नं अरुण-कोशी पूर्वया गुंगू जिल्लायात लिम्बुवान दुने हे लाकेमाः धकाः माग याना वयाच्वंगु दु। कांग्रेसं लिम्बु संघं तयाच्वंगु थ्व मागयात पूरा मयायेगु धायेधुंकूगु दु। संघयात मान्यता मबीगु धकाः छ्वयाहःगु पौयात कयाः संघं थःगु हे पार्टी नेपाली कांग्रेस विरुद्ध खेद प्रस्ताव नं पारित याःगु दु ।
